С.Ж. Асфендияров атындағы ҚазҰМУ-дың бакалавриат білім беру бағдарламаларына ауысу және қайта қабылдау
Құрметті білім алушылар!
Басқа ЖОО-лардан және шетелдік білім беру ұйымдарынан білім алушыларды «С.Ж. Асфендияров атындағы Қазақ ұлттық медицина университеті» КеАҚ-ның бакалавриат білім беру бағдарламаларына ауыстыру бойынша өтініштер мен құжаттарды қабылдау 2026 жылғы 15 маусымнан 10 тамызға дейін жүзеге асырылады.
«С.Ж. Асфендияров атындағы Қазақ ұлттық медицина университеті» КеАҚ-да білім алушыларды қайта қабылдау бойынша өтініштер мен құжаттарды қабылдау 2026 жылғы 15 маусымнан 10 тамызға дейін жүзеге асырылады.
«С.Ж. Асфендияров атындағы Қазақ ұлттық медицина университеті» КеАҚ ішінде бір білім беру бағдарламасынан екіншісіне ауысу бойынша өтініштер мен құжаттарды қабылдау 2026 жылғы 1 шілдеден 10 тамызға дейін жүзеге асырылады.
Ауысу немесе қайта қабылдау рәсімі үшін келесі құжаттар тізбесін ұсыну қажет:
- Білім алушы ауысу кезінде білім алып жатқан ЖОО-дан уәкілетті тұлғаның қолымен және білім беру ұйымының мөрімен расталған ресми транскрипт. Шетелдік білім беру ұйымы берген транскрипт мемлекеттік немесе орыс тіліне аударылып, Қазақстан Республикасының аумағында нотариаттық куәландырылуы тиіс.
- ҰБТ/КТ сертификатының көшірмесі (интернатура, магистратура білім алушыларын және шетелдік білім беру ұйымдарынан ауысатын тұлғаларды қоспағанда).
- Білім беру гранты иегері куәлігінің көшірмесі (бар болған жағдайда).
- Психометриялық емтихан нәтижелері.
- Білім беру гранты бойынша оқитын білім алушылар басқа ЖОО-лардан ауысқан жағдайда, цифрлық және әріптік бағалар көрсетілген стипендия тағайындау туралы бұйрықтан үзінді көшірме (бар болған жағдайда) ұсынылуы қажет.
- Өтініш беруші білім алып жатқан білім беру ұйымының басшысының атына жазылған, басшының қолымен және білім беру ұйымының мөрімен расталған ауысу туралы өтініш.
- Шетелдік білім беру ұйымдарынан ауысатын тұлғалар үшін Қазақстан Республикасында тану рәсімінен өтуге жататын алдыңғы білім деңгейін аяқтағаны туралы құжат. Құжат Қазақстан Республикасы Білім және ғылым министрінің міндетін атқарушының 2021 жылғы 19 шілдедегі № 352 бұйрығымен бекітілген Білім туралы құжаттарды тану қағидаларына сәйкес танылуы тиіс. Немесе құжаттарды тануға тапсыру туралы анықтама ұсынылады, бұл ретте танылған құжат ауысу немесе қайта қабылдау туралы бұйрық шыққаннан кейін 30 жұмыс күні ішінде берілуі қажет.
- Шетелдік білім беру ұйымына түсу кезінде өткізілген қабылдау емтихандарының нәтижелері немесе білім беру ұйымының қабылдау емтихандарының не конкурстық іріктеудің өзге нысанының болмағаны туралы ресми растауы (шетелдік білім беру ұйымдарынан ауысатын тұлғалар үшін).
- Шетелдік білім беру ұйымдарынан ауысатын тұлғалар үшін жеке оқу жоспарына сәйкес игеріліп жатқан білім беру бағдарламасының бірінші академиялық кезеңін толық аяқтағанын растайтын құжат.
Өтініш пен құжаттардың толық пакеті «С.Ж. Асфендияров атындағы ҚазҰМУ» КеАҚ-ның Студенттерге қызмет көрсету орталығына тапсырылады.
Ауысу және қайта қабылдау мәселелері бойынша құжаттарды қабылдау мен консультация беруді Студенттерге қызмет көрсету орталығының қызметкерлері жүзеге асырады.
Студенттерге қызмет көрсету орталығының байланыс деректері мен мекенжайы:
| № | Мектеп/факультет | Мекен-жайы | Байланыс телефондары |
| 1 | Жалпы медицина – 1 мектебі
(1-3 курс) |
Алматы қ., Бөгенбай батыр көшесі, 151, №7 оқу ғимараты,
1 қабат, №108 кабинет |
Манап Әлия Абайқызы – СҚКО бас маманы
Телефон номері: +7 705 396 1828 Электронды поштасы: [email protected] |
| 2 | Жалпы медицина – 2 мектебі
(4-5 курс) |
Алматы қ., Бөгенбай батыр көшесі, 151, №7 оқу ғимараты,
1 қабат, №108 кабинет |
Пернебек Сандуғаш Нұрланқызы– СҚКО бас маманы
Телефон номері: +7 747 965 0510 Электронды поштасы: pernebek.s@kaznmu,kz |
| 3 | Педиатрия мектебі
|
Алматы қ., Бөгенбай батыр көшесі, 151, №7 оқу ғимараты,
1 қабат, №108 кабинет |
Джазкбаев Мухит Турсунбекович – СҚКО маманы
Телефон номері: +7 701 162 6216 Электронды поштасы: [email protected] |
| 4 | Стоматология мектебі | Алматы қ., Бөгенбай батыр көшесі, 151, №7 оқу ғимараты,
1 қабат, №108 кабинет |
Чагирова Шынар Толеухановна– СҚКО бас маманы
Телефон номері: +7 705 808 0514 Электронды поштасы: [email protected] |
| 5 | Фармация мектебі | Алматы қ., Бөгенбай батыр көшесі, 151, №7 оқу ғимараты,
1 қабат, №108 кабинет |
Ерғанатұлы Ерасыл – СҚКО бас маманы
Телефон номері: +7 705 380 1450 Электронды поштасы: [email protected] |
| 6 | Х. Досмұхамедов атындағы Қоғамдық денсаулық сақтау мектебі | Алматы қ., Бөгенбай батыр көшесі, 151, №7 оқу ғимараты,
1 қабат, №108 кабинет |
Ерғанатұлы Ерасыл – СҚКО бас маманы
Телефон номері: +7 705 380 1450 Электронды поштасы: [email protected] Джазкбаев Мухит Турсунбекович – СҚКО маманы Телефон номері: +7 701 162 6216 Электронды поштасы: [email protected] |
| 7 | Халықаралық факультет | Алматы қ., Бөгенбай батыр көшесі, 151, №7 оқу ғимараты,
1 қабат, №108 кабинет |
Саимкулова Ақбөпе Досангельдиевна – СҚКО бас маманы
Телефон номері: +7 778 537 0808 Электронды поштасы: [email protected] Пернебек Сандуғаш Нұрланқызы– СҚКО бас маманы Телефон номері: +7 747 965 0510 Электронды поштасы: pernebek.s@kaznmu,kz |
Назар аударыңыздар: Академиялық адалдық кодексін бұзғаны үшін ЖОО-дан шығарылған білім алушылар «С.Ж. Асфендияров атындағы ҚазҰМУ» КеАҚ-ға қайта қабылданбайды.
Ауысу және қайта қабылдау бойынша өтініштер мен құжаттар 2026 жылғы 10 тамызды қоса алғанда қабылданады. Көрсетілген мерзімнен кейін құжаттар қарауға қабылданбайды.
Осы хабарландыру тек бакалавриат білім беру бағдарламалары бойынша білім алушыларға арналған.
