ҚазҰМУ студенттері «Химия» пәні бойынша олимпиада қатысты

Химия кафедрасының оқытушылары Ашимхан Н.С. Алдибекова Г.А.  Алмабекова А. А. жетекшілігімен  студенттер «KKO.kz» веб сайты ұйымдастырған «Химия» пәні бойынша Республикалық олимпиадға қатысып марапатталды.

Студенттерді олимпиадға қатыстырудың мақсаты: химия пәні бойынша білім деңгейі, біліктілігі сияқты қасиеттері бойынша бәсекеге қабілеттілік дағдыларын қалыптастыру. Олардың олимпиадада жеткен жетістіктері өз қатарластары арасында химияны терең меңгергендігінің жоғары көрсеткіші болып табылады.

Кез келген елдің дамып, өркендеуі дарынды адамдарды қажет етеді. Әр ел өзінің дарынды тұлғаларын танып, және оларды дамыту жұмыстарын жасауы керек, өйткені бәсекеге қабылиетті дарынды ұрпақ жарқын болашақтың кепілі.

Олимпиада жетістіктері студеттердің химия пәніне деген қызығушылығын оятып, ізденісін арттырады, ғылымға терең бойлауға жол ашады. Ғылымды еркін меңгерген жастар шоғырын қалыптастыруда Олимпиадаларды ұйымдастыру өнімді тәсілдерлің бірі болып табылады.